Македонската машка репрезентација во ракомет на плажа настапот на турнирот од Светската турнеја во Плоцк го заврши на четвртата позиција.
Нашите репрезентативци не успеаја да стигнат до медал, откако во натпреварот за третото место беа совладани од селекцијата на Чешка со 2-0 во сетови.
Чешките ракометари подобро го отворија дуелот и првиот сет го добија со 26-20. Во продолжението Македонија не успеа да најде ритам, па противникот беше уште поубедлив и со 22-13 го завери триумфот и бронзениот медал.
Најефикасни во македонскиот табор беа Мартин Ивановски, кој постигна 16 поени, и Тодор Узунчев со десет.
И покрај поразот во мечот за бронза, македонската селекција остави солиден впечаток на турнирот во Плоцк и се враќа дома со освоено четврто место на едно од најсилните натпреварувања од Светската турнеја.
