Салата „Боро Чурлевски“ вечерва ќе биде сцена на еден од најважните натпревари за Еурофарм Пелистер оваа сезона. Битолскиот состав од 18:00 часот ќе се соочи со екипата на Алкалоид, во директна борба за позициите во самиот врв на Супер Лигата.
Во пресрет на средбата, Охрид се наоѓа на второто место со 52 бодови, додека пелистерци имаат два помалку и се трети на табелата. Со евентуален триумф, избраниците на битолскиот клуб ќе се израмнат со ривалот, но ќе ја преземат втората позиција благодарение на подобриот меѓусебен биланс.
Дополнителна тежина на натпреварот му дава и можноста второпласираниот тим да обезбеди директен настап во Лигата на Европа наредната сезона, доколку Вардар добие вајлд- карта за учество во Лигата на шампионите.
Очекувањата се за исполнета сала и голема борба на теренот, бидејќи и двата тима имаат силен мотив во самиот финиш од шампионатот.
