МОЛ Татабања ќе биде значително ослабена за реваншот против ГРК Охрид во финалето на ЕХФ Европскиот Куп, откако унгарскиот состав остана без еден од своите клучни играчи.
Матеј Хавран заработил сериозна повреда на првиот финален натпревар одигран во Унгарија, по што деталните прегледи потврдиле кинење на предните вкрстени лигаменти. Тоа значи дека ракометарот нема да може да настапи на реваншот кој следува во Охрид.
Иако нема да биде дел од тимот на теренот, Хавран сепак ќе патува со екипата во Македонија, каде од трибините ќе им дава поддршка на своите соиграчи во обидот да стигнат до европскиот трофеј.
Реванш- финалето меѓу ГРК Охрид и МОЛ Татабања е закажано за 31 мај со почеток од 20:00 часот во СРЦ „Билјанини извори“, каде се очекува исполнета сала и голема атмосфера за последната битка за европската титула.
