Вечерва се игра финалето од Купот на Македонија меѓу Силекс и Шкендија со почеток од 20 часот на арената во Скопје.
Тежината од финалето е голема, бидејќи освојувачот на Купот обезбедува излез во Европа, па за тимот од Кратово ова е единствена опција за да излезе во Европа, бидејќи во шампионатот ќе заврши како четврти.
„За нас ова е натпревар на сезоната, бидејќи носи излез во Европа. Шкендија е квалитетен и искусен противник, можеби и во мала предност поради европските натпревари што ги има одиграно. Но, ќе се обидеме да ги искористиме сите слабости што ќе ни се понудат. Која би била предноста на Силекс? Според мене, тоа е што Шкендија има одиграно 54 мечеви сезонава. Посакувам добро финале и нека победи подобриот“, вели шефот на стручниот штаб на Силекс, Александар Васоски.
