Шкендија вечерва против Силекс ќе атакува на третата Куп титула во својата историја, откако претходно истата ја освојуваше во 2016 и 2018 година.
Стратегот Јетон Беќири вели дека можеби за нив мала предност ќе биде европското искуство, но додава дека во финале секогаш одлучува еден момент.
„Мислам дека Шкендија по 8 години е во финале на Купот и нормално ќе влеземе максимално во овој меч и како екипа која сака да се надигрува. Имаме почит кон Силекс кои последниве две години играат одлично. Лани до последно коло се бореа со нас за титулата. Нијанси ќе одлучуваат. Можеби имаме мала предност од нашето европско искуство, но во еден меч тоа ништо не значи бидејќи секогаш во овие мечеви одлучува еден момент. Ние ќе дадеме се од себе да победиме. Пред се сакам фер натпревар и да има коректно судење, па кој ќе е посреќен нека се радува на крај“, рече Беќири.
Шкендија играше уште три финалиња на кои беше поразена – во 2006, 2013 и 2017 година.
