Заврши сезоната во Трета лига – Југ, екипата на Росоман е шампион, а тимот од Велес со пораз ја заврши сезоната, откако загуби денес од Бучин со 6:5.
Хет-трик за домаќинот имаше Александар Србиноски, а по еден гол постигнаа Вурмески, Шопески и Мицески, за гостинот Мирчевски беше двоен стрелец, а по еден гол постигнаа Филиповски, Имеров и Миловановиќ.
Млекар и Влазними Јуниор ги поделија бодовите откако одиграа 1:1. За домаќинот стрелец беше Кире Димоски во 54. минута, а за гостинот погоди Аделин Демири во 22. минута.
Шест гола – но победник нема, реми на Росоман и Тополка (3:3) за делба на бодовите. Роналдо Фазлиов, Мартин Темелковски и Бранко Стошиќ беа стрелец за домашниот тим, за гостите Ордан Нешов погоди двапати, а еднаш Јован Димитров.
Во Крушево немаше победник откако Питу Гули и Башкими од Јаболчиште одиграа 1:1. Гоце Стојаноски го отвори резултатот во 12. минута за водство на домашните, а за гостите погоди Емре Исмаил во 80. минута.
Во Кривогаштани беа постигнати седум погодоци за триумф на домаќинот од 4:3 над Венец од Долни Дисан. Мијајлески и Јанчески беа двојни стрелци, а за гостинот стрелци беа Цветков, Донев и Лембовски.
Борец е шампион во овој регион со 61 бод, втор заврши Превалец со 53 бодови, а Венец е трет со 46 бодови.
