Денес во 17 часот ќе стартуваат натпреварите од 21. коло на Трета лига – Исток, а веќе се одредени и судиите кои ќе делат правда на истите.
Мечот на „Кукуш“ меѓу Хоризонт Турново и Овче Поле ќе го суди Здравко Костовски, а ќе му помагаат Ристо Ѓорѓиев и Цане Давитков.
Коце Харизанов ќе биде делегат, а контролор ќе биде Тони Манчев.
Димитар Пилешков ќе им суди на Карбинци и Победа Валандово, а негови асистенти ќе бидат Кирил Јованов и Александар Ананиев.
Ангел Дамјанов ќе биде делегат, а пак контролор ќе биде Јордан Гицов.
Мечот во Струмица меѓу Тиверија и Ударник ќе го суди Тоше Џамов, а негови асистенти ќе бидат Николче Симонов и Ристе Бојчев.
Кристијан Димитријев ќе биде делегат, а контролор ќе биде Златко Зафиров.
