Кошаркарскиот клуб „Кожув“од Гевгелија ќе биде организатор на завршниот турнир во М20 лигата. откако се пријави и се стекна со правoтo да биде домаќин на финалниот турнир од ова натпреварување од „Адастра“ младинските лиги во организација на Кошаркарската федерација на Македонија.
Во исто време, утврден е и распоредот на натпреварите кои ќе бидат реализирани во спортската сала на „26.април“ во Гевгелија.
Полуфиналните натпревари на кои ќе се сретнат: Вардар – Феникс 2010, односно Водно санс и Кожув, ќе се играат на 16. мај (сабота).
Наредниот ден, 17. мај (недела), на распоред се натпреварите за третото место, односно големото финале по кое ќе биде познат шампионот во оваа категорија од „Адастра“ младинските лиги.
ФИНАЛЕН ТУРНИР М20 ЛИГА-МАЖИ
ПОЛУФИНАЛЕ – ДВОЈКИ
16.МАЈ (САБОТА)
16.00: Вардар – Феникс 2010
18.30: Водно санс – Кожув
16.МАЈ (НЕДЕЛА)
НАТПРЕВАР ЗА ТРЕТО МЕСТО
16.00: Поразен 1 – Поразен 2
ФИНАЛЕ
18.30: Победник 1 – Победник 2
Сите натпревари ќе се играат во спортската сала „26.април“ во Гевгелија
