Контурите на баражот за Втора лига веќе се јасни – познати се екипите кои ќе играат во баражот, третолигашите во мисија за влез во второлигашкото друштво, а пак второлигашите да го изборат опстанокот во Втора лига за сезона 2026/2027.
Три второлигаши и петте шампиони на Трета лига во финална битка за Втора лига.
Четири третолигаши веќе се шампиони – Еуромилк ГЛ во Трета лига – Север, Камјани во Трета лига – Запад, Влазними во Трета лига – Југозапад и Борец во Трета лига – Југ.
Сега чека во Трета лига – Исток каде на три кола до крајот битката ја водат лидерот Победа Валандово и второпласираниот Овче Поле, а меѓу нив разликата е само еден бод.
Од второлигашите Каменица Саса, Тетекс и Кожуф ќе играат бараж за опстанок.
Со последниот патник меѓу Победа Валандово и Овче Поле ќе бидат познати осумте екипи кои ќе влезат во бараж дуелот, од каде победниците ќе бидат во Втора лига, а поразените во Трета лига за сезона 2026/2027.
