ГРК Охрид го очекува нов голем предизвик на европската сцена – полуфиналниот двомеч против Целје во рамките на ЕХФ Купот. По историските резултати оваа сезона, охриѓани со амбиција и верба влегуваат во битката за финале.
Еден од голманите на Охрид, Бојан Блажески, го најави првиот полуфинален дуел од ЕХФ Купот. Тој, потенцира дека тимот се соочува со квалитетен и млад противник, но и дека и покрај краткото време за подготовка, ќе дадат максимум на теренот.
„Ни следи полуфиналето со екипата на Целје. Одлична, експлозивна и млада екипа. Немавме многу време да се подготвуваме поради обврските во домашното првенство, па затоа оваа недела ќе го анализираме противникот. Ние, како и секогаш ќе оставиме срце на терен и ќе се обидеме од Словенија да се вратиме со што подобар резултат пред вториот натпревар.“- изјави Блажески пред мечот.
Првиот натпревар се игра во Словенија, каде Охрид ќе се обиде да избори поволен резултат пред реваншот и да направи уште еден чекор кон историски пласман во финалето на ЕХФ Купот.
