По завршувањето на репрезентативната пауза се врати второлигашкиот фудбал со денешните натпревари од 13. коло.
Источно дерби се одигра во Струмица на стадионот „Благој Истатов“ каде се соочија поранешните прволигаш Беласица и Брегалница. Младата Беласица против искусната Брегалница, каде сините беа подобри со 0:1 со голот на Зоран Ивановски.
Лидерот Македонија ЃП како голем фаворит на домашен терен го пречека Вардар од Неготино, во меч каде „лавовите“ со 5:0 го декласираа тимот од Неготино преку трите голови на Христов и погодоците на Размоски и Маркоски.
На Градскиот стадион во Гостивар екипата на Арсими како голем фаворит се соочи со Борец од Велес. Домашниот тим на овој меч гледаше идеална шанса за враќање на победничките патеки, додека пак Борец жилаво бараше три бодови за опстанок. Арсими дојде до победа од 1:0 со голот на Аљбин Рамадани.
На „Билјанини Извори“ во Охрид се соочија Охрид и Детонит Плачковица, во неизвесен меч каде охриѓани во силна победничка серија бараа нови три бодови, а пак радовишани заминаа по целиот „плен“, со кој би можеле да прогресират на табелата.
Исходот од соочување на „Билјанини Извори“ беше победа за гостинот од Радовиш со двата гола на Настевски и голот на Николовски, а пак за домаќинот погоди Бакрачески.
Башкими после поразот во претходното коло во Автокоманда од Скопје, против Кожуф на домашен терен бараше брзо враќање на победничките патеки, во Куманово имаше само еден гол за победа на Башкими од 1:0, откако Најдовски си даде автогол.
Во Прилеп се судрија поранешниот прволигаши Победа и Скопје, во дерби од долниот дел на табелата и барање на три бодови за бегство кон горниот дел од табелата. Прилеп е можеби најфудбалскиот град во Македонија, живее за фудбалот и бредот Победа, денес „пиратите“ беа подобри со 0:2, откако погодија Коцев и Кировски.
Новаци и Осогово одиграа дуел за повеќе од потребни три бодови, каде Новаци ао 5:0 го декласираше тимот од Кочани. Во првиот дел Новаци имаше водство од 3:0 и мечот беше решен откако погодија Здравевски, Трифуновски и Милевски, а во вториот дел погодија Јовановски и Поповски.
Каменица Саса како голем фаворит во Македонска Каменица го пречека „фенерџијата“ Вардарски од Богданци, каде Саса со 5:1 го декласираше новиот третолигаш. Смилков постигна хет-трик, а по еден гол постигнаа Бекир и Алексовски.
