Неизвесен меч без победник со четири погодоци вечерва одиграа Јувентус Серава и Осогово од Крива Паланка (2:2) за отварање на 14. коло во Првата футсал лига.
Двете екипи мораа да се задоволат со бод во битката за потврда на опстанокот во елитата.
Домашниот тим го отвори резултатот во 8. минута преку гол на Исмаил Абдуловски, а со кој гол Јувентус Серава замина на полувреме со 1:0. Во вториот дел домаќинот дојде и до двојна предност откако Армандо Алијевиќ постигна гол за 2:0 во 25. минута.
По четири минути Бојан Иванов беше прецизен за 2:1 и го врати тимот од Крива Паланка во игра барем за бод, а на крај така и испадна – Михаил Павловски во 39. минута постигна гол и го спаси Осогово од пораз, откако погоди за конечни 2:2 и делба на бодовите.
Додека да се комплетира колото Јувентус Серава ќе биде шесто со 16 бодови, а Осогово седми со 15 бодови.
