Екипите на ФК Интер Кукла Куклиш и ФК Спартмани одиграа интересен пријателски натпревар кој заврши без победник 2:2, во дуел меѓу двете водечки екипи во Општинската фудбалска лига – Струмица.
Натпреварот се одигра во силно темпо и во одлична атмосфера, што беше и очекувано со оглед на тоа што на теренот се сретнаа две екипи кои го делат врвот на табелата со по 16 освоени бодови.
Во редовите на Интер Кукла се истакна Хаџиев, кој постигна два гола, додека Ризов запиша две асистенции и беше еден од најзаслужните за погодоците на својот тим.
Овој пријателски дуел беше дел од подготовките на двете екипи за претстојниот пролетен дел од сезоната во Општинската фудбалска лига – Струмица, каде Интер Кукла и Спартмани ќе продолжат со борбата за самиот врв на табелата.
