Македонската А женска репрезентација со пораз ги започна квалификациите од Лига Ц за пласман на Светско првенство, откако во Баку загуби од селекцијата на Азербејџан со 2:0.
Во првото полувреме нашата селекција имаше свои моменти. Александра Марковска и Симона Мејер се заканија кон противничкиот гол, но нивните удари беа изблокирани од домашната одбрана. Азербејџан поведе во 28. минута преку Севинџ Џафарзаде, која ја искористи својата шанса и донесе предност за домаќинот.
Во второто полувреме Македонија се обиде да дојде до израмнување. Максути и Николовска имаа солидни можности, но недостасуваше прецизност во завршницата. Џафарзаде повторно погоди во 78. минута, поставувајќи ги конечните 2:0 и осигурувајќи победа за Азербејџан.
Избраничките на селекторот Александар Андов следната шанса за први бодови ќе ја бараат на домашен терен. На 7 март во Битола, на стадионот „Петар Милошевски“, Македонија ќе ја пречека селекцијата на Андора.
Азербејџан: А. Шарифова, А. Нахмедова, Џ. Махсимова (А. Саламзаде 90+4), Н. Мирзалиева, А. Ахмедова, М. Молаева (К. Бакарандзе 90+4), В. Сејфединова (Х. Асадова 85), Ј. Аџар (А. Мурадова 85), Џ. Алиева (Н. Хаџиева 76), С. Џафарзаде (к), П. Боздаг; Селектор: Сијасет Асгеров.
Македонија: 1. В. Панчурова, 21. Б. Петкова (85` Петкова), 6. М. Панева, 5. П. Николовска (85` Петкова), 19. С. Мејер, 10. Т. Галабовска, 8. А. Марковска, 7. М. Грозданова (61` Бошевска), 14. Е. Величковска (74` Панеска, 9. И. Максути, 11. Х. Мустафа (61` Павловска); Селектор: Александар Андов.
