Кошаркарската репрезентација на Македонија забележа триумф над Азербејџан во Баку, откако славеше со 70:78.
Иако играа далеку од дома, македонските кошаркари имаа мала, но силна поддршка од трибините со развеани македонски знамиња од добро познати фудбалски имиња.
Силна поддршка даваа селекторот на женската македонска фудбалска репрезентација, Александар Андов, Мишел Истатов од комисијата за женска фудбал при ФФМ, Димитар Џонов кој е член на Управниот одбор на ФФМ, како и координаторот на женската А репрезентација Петре Илиоски.
Инаку, веќе утре женската фудбалска репрезентација на Македонија ќе игра против Азербејџан, меч од првото квалификациско коло за Светско првенство. Нашата репрезентација покрај со Азербејџан е во група и со Унгарија и Андора.
