Во рамки на 8. коло од кадетската Супер лига дербито се играше во Тетово каде екипата на Шкендија со 4:1 го декласираше Шкупи, а играч на натпреварот беше Иса Цанески кој постигна два погодоци.
Шкендија токму преку Цанески го отвори резултатот по дваесет минути игра, а потоа во 37. минута Анди Исмаили постигна гол за 1:1 на полувреме. Во вториот дел Цанески со втор гол во 61. минута обезбеди нова предност за Шкендија од 2:1, а по осум минути игра Лука Гавроски постигна гол за 3:1.
Во самиот финиш на натпреварот Албион Јашари ја стресе мрежата на Шкупи за конечни 4:1.
Одличен натпревар на младиот и талентиран Цанески, кој потекнува од Прилеп, а веќе две години го носи дресот на тетовска Шкендија.
Во досегашниот тек од сезоната во кадетската Супер лига 17-годишниот Цанески има постигнато три погодоци.
