Овој викенд ќе биде резервиран за футсал Купот на Македонија, се играат на натпреварите од осминафиналето.
Веќе денес на програмата е натпреварот меѓу второлигашот Кратово и прволигашот Проект, во меч каде гостинот од Јосифово е повеќе од апсолутен фаворит за следна фаза.
Натпреварот се игра во Кратово со почеток од 19 часот.
Во сабота на програмата ќе бидат повеќе натпревари. Бранителот на Куп титулата Форца ќе се соочи со Фудбал Старс од Кочани, стартот е од 18:30 часот, а се игра во Куманово.
Шкупи на домашен терен ќе игра против фаворитот Кеги Моби со почеток од 17:30 часот, а пак Јувентус Серава ќе го пречека Мал Ајакс од Штип, мечот се игра во Скопје со почеток од 19:30 часот.
Во недела на програмата ќе бидат два натпревари. Балкан ќе игра против Каршиака со почеток од 18 часот, а пак Бутел ќе игра против второлигашот ССК од 20 часот. Во Кавадарци ќе се игра градското дербито меѓу Црна Река и Клими со почеток од 13 часот.
Еден меч на програмата ќе биде во понеделник, истиот се игра во Крива Паланка каде ќе се соочат Осогово и Железарец со почеток од 19 часот.
