Тетовските екипи Лирија, Шкендија и Универзитет во Тетово, заедно со Сушево, успешно го минаа претколото од Купот на ОФМ 2026 во машка конкуренција и обезбедија место во четвртфиналето.
Директен пласман меѓу осумте најдобри екипи имаа четирите првопласирани тима од есенскиот дел на сезоната – лидерот и актуелен освојувач на трофејот Штип УГД, потоа Струмица 47&72, како и Работнички 71&22 и ГОК Борец.
Согласно пропозициите, четвртфиналните двојки ќе бидат одредени со полудиригиран ждреб. Во еден шешир ќе се најдат директно пласираните екипи, а во вториот тимовите кои изборија пласман преку претколото.
Четвртфиналната фаза ќе се игра во еден натпревар, на теренот на подобро пласираната екипа.
Терминот за одржување на ждрепката ќе биде дополнително објавен.
