Јорго Папули кариерата ќе ја продолжи во нова средина, откако 24-годишниот фудбалер си замина од второлигашот Скопје, дознава ексклузивно Спортска Мрежа.
Папули во Скопје пристигна во август минатата година и за „пиратите“ од Автокоманда настапуваше изминатите шест месеци, а дојде од редовите на Кожуф. Во тимот од Автокоманда, Папули беше стандарден првотимец со одиграни 15 натпревари.
Низ неговата кариера покрај за Кожуф и Скопје настапуваше и за Вардар, Брера Струмица и Металург од каде и ја започна кариерата. Папули меѓународна кариера градеше во Романија, каде настапуваше за вториот тим на ФЦСБ.
Веќе има интерес за Папули во финишот на преодниот рок да се обезбеди неговиот потпис.
