В недела (8 февруари) во Пирава ќе се одигра пријателски натпревар со хуманитарен карактер меѓу третолигашот Ударник и четвртолигашот Слога од радовишко Злеово.
Овој натпревар кој ќе има контролен карактер пред продолжението на Трета лига – Исток каде Ударник ќе води битка за првото место кое води кон баражот за Втора лига, односно пред почетокот на пролетниот дел во Општинската фудбалска лига во Струмица, каде Слога ќе се бори за првата позиција, а со тоа можност следната сезона да заигра и во третолигашкото друштво на Истокот.
Меѓутоа, овој натпревар ќе има хуманитарен карактер, двете екипи ќе играат за Васко Ризов. Овој меч на кој Ударник е домаќин го организиран со цел собирање на средства за лекување на нивниот другар Васко Ризов.
На влезот на фудбалскиот терен во Пирава ќе бидат поставени кутии за донации, а сите собрани средства ќе бидат донирани за лекување на Ризов. Да ја покажеме хуманоста на дело и да помогнеме тогаш кога е најмногу потребно.
