Тетекс го доби Тиквеш на пријателски меч

Денес се одигра пријателски натпревар меѓу второлигашот Тетекс и прволигашот Тиквеш, кој заврши со триумф од 4:2 за „штофарите“.

Двоен стрелец за тетовскиот тим беше Азис Јамини, а пак по еден гол постигнаа новото засилување од Беласица, Максим Цониќ и Лука Гавроски. За тимот од Кавадарци стрелци на погодоците беа Силла и Голубов.

Тиквеш пролетниот дел го отвара против Шкупи, а пак Тетекс ќе има време за уште неколку пријателски до стартот на пролетниот дел во ВМФЛ кој е закажан за 21 февруари.