Денес на одличниот фудбалски терен во битолско Црнобуки се одигра пријателски натпревар меѓу прволигашот Пелистер и второлигашот Преспа, каде битолчани беа убедливи со 6:0 против тимот од Ресен.
По првиот дел резултатот беше 3:0, а голеадата ја започна Спировски со погодок по само три минути игра. Во 23. минута Петковски погоди ја дуплираше предноста, а веќе во 45. минута Здравковиќ погоди за 3:0 на полувреме.
Во вториот дел Булатовиќ во 55. минута зголеми на високи 4:0, а до крајот на мечот Петковски постигна уште два погодоци во 67. и 89. минута за конечни 6:0, а со тоа Петковски постигна хет-трик.
Пелистер пролетниот дел го отвара на домашен терен против Работнички, а пак Преспа ќе продолжи со подготовки за вториот дел од сезоната во ВМФЛ кој го отвара против Шкендија Арачиново во гости.
