Со цел јавноста да биде објективно и точно информирана, како и целосно да се испочитува законската процедура, ја пренесуваме официјалната информација од Националната анти-допинг организација (НАДО МКД) во врска со промената во олимпискиот состав за претстојните Зимски олимписки игри.
„Врз основа на официјалниот извештај (Test Report) пристигнат од акредитираната лабораторија во Seibersdorf, Австрија, во еден од двата примероци утврдено е присуство на забранети средства кај спортистот во алпско скијање. Како резултат на строго и прецизно пропишаната процедура на WADA, до конечна потврда на наодот, процедурите предвидуваат времена суспензија на спортистот и се активира механизмот на замена од претходно утврдената листа на потенцијални кандидати („long list“). Согласно овој официјален систем на рангирање, следен спортист со исполнета олимписка квота е Виктор Петков, кој по процедурален пат станува дел од официјалната делегација.“ – велат од МОК.
Со ова, Мирко Лазаревски нема да патува на Зимските олимписки игри, а неговото место во националниот тим ќе го заземе Виктор Петков, кој ќе настапува во дисциплините слалом и велеслалом.
