Фудбалскиот клуб Детонит Плачковица од Радовиш официјално ги започна уписите за нови членови во детската лига за сезоната 2025/2026. Уписите се наменети за деца родени од 2013 до 2020 година, со цел создавање здрави спортски навики и правилен фудбалски развој уште од најрана возраст.
Клубот нуди современи услови за работа, со користење на терени со вештачка и природна трева, како и редовно учество во детските лиги под капата на ФФМ. Младите фудбалери ќе имаат можност да настапуваат на официјални натпревари, но и да земаат учество на турнири во Македонија и надвор од државата, стекнувајќи драгоцено искуство.
Тренажниот процес ќе се одвива под водство на лиценцирани тренери, како и веќе докажани фудбалери кои своето знаење и искуство ќе го пренесуваат на најмладите. Координатор на сите младински и детски категории е Бојан Коцев, лиценциран фудбалски тренер, додека во стручниот штаб се вклучени и тренерите Александар Чаракчиев, Зоран Ристов, Ѓорге Ристоманов и Благој Гегов.
Уписите, ажурирањето и почетокот на тренажниот процес ќе се одржат на 3 март 2026 година, во периодот од 14:00 до 16:00 часот, на вештачките терени на Градскиот стадион во Радовиш. За дополнителни информации заинтересираните родители можат да се обратат на телефонскиот број 078/247-081 (Бојан Коцев).
Од ФК Детонит Плачковица порачуваат дека спортот е вистинскиот пат за правилен раст и развој на децата и ги повикуваат сите млади љубители на фудбалот да станат дел од најголемото спортско семејство во градот.
