Тиквеш договори уште два теста – ќе ја провери формата со два второлигаши!

Прволигашот Тиквеш пред продолжението на сезоната ќе одигра уште два контролни натпревари по враќањето од Турција каде ја одработи главната фаза од зимските подготовки.

Кавадаречкиот прволигаш ќе ја провери формата со два второлигаши. Првиот тест е договорен против Новаци, меч кој ќе се одигра на 4 февруари во Кавадарци.

Ден подоцна, односно на 5 февруари Тиквеш во Скопје ќе ја има „генералката“ против Тетекс. Пролетниот дел Тиквеш го отвара против Шкупи на 10 февруари на гостински терен.