ЖФК Вардар доби капитално засилување за пролетниот дел од сезоната во Првата женска фудбалска лига – дебитантот ја промовираше искусната Јулија Живиќ како ново засилување.
25-годишната Живиќ доаѓа од редовите на шампионот Љуботен, од клубот ја претставија како искусна, сигурна и тактички зрела фудбалерка која одлично ги покрива бочните позиции.
Со својата брзина, енергија и интелигентно движење без топка, Живиќ носи стабилност, динамика и голема работна етика во редовите на Вардар. Фудбалерка со одлично чувство за простор, постојана поддршка во напад и дисциплина во одбрана — квалитети што ја прават исклучително вредно засилување за „црвено-црните“.
Покрај за Љуботен, Живиќ низ својата кариера настапуваше за Шкендија, Скопје и Борец од каде и ја започна кариерата, а пак во странство Живиќ градеше кариера во Неа Саламина во Кипар и Ријека во Хрватска.
Претходно, како што веќе објави Спортска Мрежа, Вардар промовираше четири засилувања – во пакет од Топ Гол пристигнаа Натали Талевска, Михаела Марковска и Ивана Милевскa, како и со Ива Здравеска од Истатов.
Вардар зад себе има солидна есенска полусезона како дебитант во Првата женска фудбалска лига, а со квалитетните засилувања кои ги промовираше сигурно е дека девојките на Теодора Димитровска ќе целат шампионатот да го завршат на седмата позиција, а во таа трка ќе бидат со Речица.
