Прволигашот ЖФК Вардар промовираше уште едно зимско засилување, се работи за 21-годишната Ива Здравeска, која доаѓа од редовите на прволигашот ЖФК Истатов.
Се работи за фудбалерка која со нејзината борбеност и тактичка дисциплина ќе бидат важен сегмент во претстојната сезона. Здравеска треба да биде вистинско освежување во редовите на Вардар, а таа играа по бочните страни на теренот. Фудбалските чекори Здравеска ги има во ФК Кул.
Претходно, дебитантот во Првата женска фудбалска кој зад себе има солидна есен се засили со голманката Натали Талевска, средниот ред беше засилен со Михаела Марковска, а пристигна и офанзивката Ивана Милевска, за што веќе објави Спортска Мрежа. Според наши информации Вардар ќе се засили со уште најмалку една фудбалерка, а се очекува промоција во следните денови.
Под водство на тренерот Теодора Димитровска, Вардар ја темпира формата за пролетниот дел.
