Стратегот Горан Здравков утре ќе ја има првата прозивка со која Детонит Плачковица ќе означи старт на зимските подготовки.
Второлигашот Радовиш утре на Градскиот стадион ќе го одработи првиот тренинг, откако претходно Здравков ќе има состанок со играчите на кој треба да биде соопштен планот за подготовки со одигрување на пријателските натпревари, како и целите за пролетниот дел.
Според информациите на Спортска Мрежа ќе има неколку промени во ростерот, односно ќе има неколку заминување и неколку нови играчи кои во следните денови ќе бидат промовирани. Според нашите информации едно сигурно заминување е Валентин Блажески кој нема да го носи дресот на второлигашот од Радовиш во пролетниот дел, за што веќе објави Спортска Мрежа.
Детонит Плачковица есенскиот дел го заврши на седмото место со 26 бодови на своето конто, а пролетниот дел го отвара во Радовиш против Големо Коњари.
