Младиот фудбалер Валентин Блажески се раздели со второлигашот Детонит Плачковица од Радовиш и кариерата ќе ја продолжи во нова средина. 19-годишниот Охриѓанец во Детонит Плачковица пристигна летото 2025 година, а по шест месеци се реши за менување на средината.
Блажески во Детонит Плачковица пристигна од Њу Старс, каде настапуваше од 2021 година, а претходно младиот фудбалски талент беше дел од Охрид Топ Тим и Академија Пандев 10 каде ги направи своите први фудбалски чекори.
Во следните денови ќе биде познато каде Блажески ќе ја продолжи кариерата, за младиот фудбалер од Охрид има интерес од неколку клубови според информации на Спортска Мрежа.
