Вчерашното 11-тото коло донесе промени на табелата во Втората лига, за кои претходно анализиравме и најавивме во Спортска Мрежа, дека токму 11-тата рунда ќе направат промени, а тоа и се случи.
Македонија ЃП е прва на табелата со 26 бодови, откако „лавовите“ со 3:0 ја добија Брегалница и со тоа штипските „сини“ го запишаа првиот сезонски пораз, па така Брегланица сега е трета со 24 бодови, а Башкими е втор со 26 бодови колку што имаа и „лавовите“.
Арсими дојде до голема победа над радовишки Детонит Плачковица со што сега Арсими е на 4. место на табелата со 23 бодови и има само три бода помалку од лидерот Македонија ЃП, а еден од Брегалница односно бараж зоната за Прва лига.
Охрид е на 5. место и има 20 бодови, а пак Кожуф е на шесттото место со 17 бодови. Беласица уште еднаш потврди дека со млад тим може да се направат резултати, треба време, енергија, треба донекаде можеби и губење на резултати, но Беласица со скор од три победи, седум ремија и само еден пораз има 16 бодови и се проби на седмото место на табелата со 16 бодови. Струмичани поминаа многу екипи на табелата кои беа пред нив.
На осмото место е Детонит Плачковица од Радовиш кој има 15 бодови, колку што има и Каменица Саса која е деветта.
Победа се зацврстува пополека во средишниот дел од табелата и има 13 бодови на своето конто и се наоѓа на десеттото место. Вардар Неготино има 11 бодови и е на 11-тото место, а пак Новаци се спушти на 12-тото место со 11 бодови.
Скопје е на 13-тото место, односно место над бараж зоната со десет бодови на своето конто.
Овие екипи практично ќе се борат за што повисок пласман, за средина од табелата, но и за сигурен опстанок многу порано.
Три екипи веќе уште од сега треба да се насочан кон тешката борба за опстанок. Осогово е во бараж зоната со пет бодови на своето конто односно на 14. место, Борец со исто пет бодови е место подолу односно на 15. место, а тоа значи зона за директно испаѓање во Трета лига, а на дното е Вардарски, тим без триумф со само два бодови на своето конто.
- ЦЕЛА ТАБЕЛА ОД ВТОРА ЛИГА 11. КОЛО:
