Шефот на стручниот штаб на второлигашот Новаци, Дарко Крстески в среда ќе ја има првата прозивка за старт на зимските подготовки, дознава Спортска Мрежа од свои извори.
Како што дознаваме ростерот останува ист, раководството на Новаци успеа да ги задржи сите фудбалери од есенскиот дел, но според информациите на Спортска Мрежа, Новаци ќе биде засилен со три до четири играчи сигурно. Првите засилување ќе се промовираат за три до четири дена.
Ќе бидат одиграни и неколку пријателски натпревари преку кои ќе се проверува формата, за што ќе информираме за неколку дена околу целиот план на подготовките на стратегот Дарко Крстески.
Новаци одигра фантастична есен со тоа што финишираше на шестото место со 27 бодови и во пролетниот дел сигурно е дека тимот ќе има амбиции да заврши што повисоко на табелата, односно да ги напаѓа позициите кои водат кон баражот за Прва лига, а секако има и зошто!
Влезот на Евротип се покажа како полн погодок, а новата управа успешно менаџира со долгорочни планови како Новаци да прерасне во стабилен второлигаш со стабилни резултати, но и финансии, а потврда се фантастична есенска полусезона.
Пролетниот дел тимот на Новаци го отвара со гостување кај Победа во Прилеп.
