Поранешниот македонски фудбалски репрезентативец Агим Ибраими е назначен за директор на клубот со најмногу трофеи во Албанија – ФК Партизани.
37-годишниот Ибраими, кој во моментов е член на Управниот одбор на Фудбалската федерација на Македонија и еден од најблиските соработници на претседателот Масар Омерагиќ, добива значајна управувачка улога во еден од најреномираните клубови во Албанија.
Партизани е клуб со богата историја и доминантно место во албанскиот фудбал, а раководството очекува Ибраими со своето искуство, фудбалско знаење и меѓународни контакти да придонесе во понатамошниот развој и стабилност на клубот.
Ибраими зад себе има богата играчка кариера, настапувајќи за повеќе клубови во Македонија и странство, како и значаен број настапи за националниот тим, што дополнително ја зголемува довербата во неговата нова функција.
