Македонскиот прволигаш Шкупи е најслабиот тим во Европа, откако Вулверхемптон со 3:0 го доби Вест Хем и со тоа стигна само до првата сезонска победа во Премиер лигата и тоа дури во 20. коло.
Екипата на Вулверхемптон има учинок од една победа, три ремија и 16 порази, а на своето конто шест бодови.
Сега тимот на Шкупи го имам приматот на „најслаб тим“ во Европа, откако се наоѓа на дното со едно реми и 15 порази од шеснаесет кола.
Во друштвото на „најслаби“ екипи во Европа е Паралимни од Кипар со едно реми и 14 порази, па следува Арарат од Ерменија со три ремија и 12 порази, потоа тимот на АФС од Португалија со четири ремија и 11 порази, тимот на Сан Марино Академија У22 од Сан Марино има три ремија и 11 порази, а пак Есперанса од Андора е со учинок од две ремија и десет порази.
Македонскиот прволигаш е „најлошиот“ во Европа, тимот остана и без тренер откако Минас Османи поднесе оставка, а претходно Шкупи го водеше турскиот стратег Умит Шахин, па така Шкупи ќе го добие третиот тренер сезонава.
Минатата есенска полусезона Шкупи презими на шестото место со 22 бодови, а оваа зима е на дното со само еден бод и практично најсериозен кандидат за испаѓање во Втора лига.
