Македонската ракометна репрезентација се враќа на подготовките за Европското првенство. Паузата која ја имаа репрезентативците околу Нова година заврши и сега се враќаат во сала за продолжување на подготовките.
Македонската репрезентација е комплетна откако голманот Мартин Томовски се приклучи на подготовките, откако претходно имаше клупски обврски во Германија.
Момците на селекторот Кирил Лазаров ќе се подготвуваат од денес во следните пет дена во Скопје, а потоа на 7 јануари заминуваат за Винтертур, каде во период од 8 до 10 јануари ќе настапат на „Жолтиот Куп“, а нашата репрезентација ќе игра против Бахреин, Украина и Швајцарија.
Потоа македонската репрезентација ќе замине во Хернинг, каде ќе се адаптира на атмосферата за Европското првенство.
Македонија ЕП го отвара против Данска на 16 јануари, два дена подоцна ќе играме против Португалија, додека пак против Романија ќе играме на 20 јануари.
