Селекторот на машката кадетска репрезентација на Македонија, Горан Кузманоски, го објави составот за претстојниот собир на младите ракометари.
На списокот се најдоа 18 играчи, сите од домашното првенство, кои ќе учествуваат на подготовките од 2 до 5 Јануари.
Во текот на собирот во Скопје, кадетите ќе одиграат пријателски двомеч против селекцијата на Црна Гора, што ќе послужи како добра проверка на формата.
Двете репрезентации веќе обезбедија место на Европското првенство за кадети, кое ќе се одржи во Србија во август 2026 година.
