По завршувањето на најуспешната полусезона во клупската историја, Охрид ја користи зимската пауза со јасна цел — во јуни да ја комплетира сезоната како најуспешна досега. Истите амбиции ги делат раководството, стручниот штаб и ракометарите.
Во пролетниот дел од сезоната, тимот го очекуваат сериозни обврски и на домашната сцена и во европските натпреварувања. Подготовките ќе бидат фокусирани во Врбас, каде што Oхрид ќе тренира од 8 до 16 јануари. Веднаш потоа, на 17 и 18 Јануари, следува настап на традиционалниот турнир „Вук Рогановиќ“. Во полуфиналниот дуел охриѓани ќе играат против Динамо Панчево, додека другата полуфинална двојка ја сочинуваат Партизан и Тримо Требње.
Домашното првенство продолжува на 7 Февруари со преостанатите четири кола од регуларниот дел на Супер лигата, а плеј-оф фазата ќе започне на 28 Февруари.
Февруари ќе биде исклучително интензивен и на меѓународен план, бидејќи Охрид ќе ги одигра и двата натпревара од осминафиналето во ЕХФ Европскиот куп против чешката екипа- Дукла Прага.
