Вчера се одржа манифестацијата „Најдобрите во лига системот на Македонската таеквондо федерација“, настан посветен на целокупната работа и резултатите кои спортистите ги потврдија во текот на изминатата година преку дисциплина, посветеност и љубов кон спортот.
Македонското таеквондо, покрај тоа што важи за еден од најуспешните спортови во државата, претставува и прв индивидуален спорт кој воспостави функционален и одржлив систем што гарантира континуитет, развој и остварување на врвни спортски резултати.
„Овој систем подразбира силни клубови, едуцирани тренери, мотивирани спортисти, фер и професионални судии, како и добро организирани натпреварувачки структури кои создаваат шампиони“, истакнаа од Македонската таеквондо федерација.
Ова се добитниците на наградите:
- Прво место во лига систем на МТФ за 2025: Таеквондо клуб „Бутел“
- Второ место во лига систем на МТФ за 2025: Таеквондо клуб „Корио“
- Трето место во лига систем на МТФ за 2025: Таеквондо клуб „Феникс Кик“
- За постигнување најголем спортски успех во олимписко таеквондо: Филип Блажевски
- Најдобар тренер во лига системот на МТФ за 2025: Викторија Спасовска
- Најдобро организиран турнир во лига системот на МТФ: Таеквондо клуб „Корио“
- Најдобар судија во лига системот на МТФ за 2025: Ирена Гроздановска
- За особен придонес во лига системот за 2025: Андреј Василевски, Ведерана Тунеска, Христијан Симоноски, Ненад Ќелевски, Душица Бреслиева, Мартина Наумовска
