Спортска Мрежа ја објавува листата на најдобри стрелци во сите пет региони од Третата македонска фудбалска лига. Ќе одиме регион по регион.
ТРЕТА ЛИГА – ИСТОК
Во Трета лига – Исток по седум одиграни кола најдобри стрелци со по осум погодоци се двајца фудбалери. Игор Ѓорѓиев од Слога Виница и Дарко Нацев од Овче Поле.
Октај Амедов кој е фудбалер на Слога Виница има седум гола, а по шест гола имаат Петар Илиев од Дојранско Езеро и Кристијан Ристовски од Слога Виница.
ТРЕТА ЛИГА – ЗАПАД
По осум одиграни кола во Трета лига – Запад најдобар стрелец со девет гола е Ментор Саљиу од Џепчишти, екипа која лани беше вицешампион. По осум гола имаат Арлинд Берзати од Камјани и Бетим Етеми од Доброшти. По шест гола постигнаа Младен Котевски од Напредок и Меритон Салији кој настапува за ланскиот второлигаш Тетекс.
ТРЕТА ЛИГА – ЈУГОЗАПАД
По седум одиграни кола во Трета лига – Југозапад убедливо најдобар стрелец е Никола Секулоски, фудбалерот на Сатеска од Волино кој има постигнато фантастични 14 погодоци.
По осум погодоци имаа Темур Емини од Кравари и Фатој Леши од Кораби, па со ова се гледа разликата меѓу овие двајца фудбалер и Секулоски.
Денис Шадов кој настапува за Влазними има седум гола, а по шест гола постигнаа Владе Јанакиевски и Мартин Кузманов од Евротип, како и Неџми Реџепи од Преспа.
ТРЕТА ЛИГА – ЈУГ
Фудбалерот на новиот третолигаш Дреново, Армен Мемедов по осум кола има постигнати 11 погодоци и со тоа е најдобар стрелец во Трета лига – Југ.
На второто место е Петар Ристовски од тимот на Венец од Долни Дисан со десет гола, а пак Виктор Тошоески од Големо Коњари има девет гола. Фубдлалерот на Бакими 2008, Зани Ахмедовски има шест гола.
ТРЕТА ЛИГА – СЕВЕР
По осум кола во Трета лига – Север најдобар стрелец е Орхан Мифтар од Фортуна кој има постигнато 14 погодоци. На второто место е Мерван Фетаи кој настапува за Беса Влазрими со осум гола, а пак Мартин Лазев од Ржаничино има седум гола. По осум гола пет гола има постигнато Бејтула Авдулаи од Башкими Љуботен.
Ако направиме еден генерален пласман од сите региони Орхан Мифтар кој настапува за Фортуна екипа од Трета лига – Север и Никола Секулоски, кој настапува за екипата на Сатеска од Волино, екипа која игра во Трета лига – Југозапад се двајцата најдобри стрелци со по 14 постигнати погодоци.
