Поранешниот двократен европски шампион и повеќекратен шампион на Македонија, Вардар, доби нов тренер, на тренерското столче седнува актуелниот селектор на Аргентина, Ѓиљермо Милано. Постигната е соработка Милано да го води клубот најмалку до крајот на оваа сезона, со опција за продолжување на соработката и за следната сезона.
На почетокот на следниот месец Милано ќе пристигне во Скопје и ќе ја преземе екипата на Вардар.
Милано има 20 годишно искуство како тренер во клубови и во машката репрезентација на Аргентина, учествувал на над 50 меѓународни турнири, четири Олимписки игри, 19 Светски првенства, четири Панамерикански игри, четири Јужноамерикански игри, 16 Панамерикански првенства и 20 меѓународни турнеи.
Милано од 2021 година ја води машката репрезентација на Аргентина, претходно беше помошник тренер, а бил одгогорен за сите младински селектири на Аргентина, со репрезентацијата на Аргентина настапи на последните олимписки игри во Франција, а на СП 2023 година во Полска и Шведска беше победник на Панамериканските игри во 2024 година победувајќи го Бразил.
„Огромна чест е да добиеш повик од еден од најпрестижните тимови во Европа, и ја имав привилегијата да го следам клубот долги години во нивните настапи во Лигата на шампионите. Од Македонија ја покорија Европа со својот нескршлив карактер и борбеност инспирирајќи ги ракометните фанови насекаде. Како што го носам моето 20-годишно искуство со аргентинските репрезентации, исто така се обврзувам да и пристапам на оваа улога препознавајќи го наследството на големите тренери кои беа пред мене. Целосно сум посветен да дадам се за Вардар, да оставам се на теренот и да придонесам за континуиран успех на тимот. Возбуден сум што ќе бидам дел од ова ново поглавје во мојата кариера и ќе помогнам да се напише следното поглавје во историјата на Вардар, изјави Милано.
По девет кола Вардар има осум победи и еден пораз и се наоѓа на делба на второто место со Охрид со по 16 бодови односно имаат негатива од два бода во однос на лидерот Алкалоид кој е максимален.
