Европската ракометна федерација официјално ги објави термините и саатниците за осминафиналниот двомеч во европските натпреварувања меѓу ГРК Охрид и чешка Дукла Прага.
Охрид во досегашниот тек од натпреварувањето веќе ги мина азербејџанскиот Баку и босанската Слога Добој во втората и третата рунда, а евентуална елиминација на Дукла Прага би значела најголем европски клупски успех во историјата на охридскиот тим.
Првиот натпревар ќе се одигра на 14 февруари, кога „гладијаторите“ ќе бидат домаќини во СРЦ „Билјанини Извори“, а почетокот е закажан за 18:00 часот.
Реваншот, по кој ќе биде познат патникот во четвртфиналето, е на програмата на 21 февруари од 18:00 часот и ќе се игра во Прага.
