Вечерва продолжуваат возбудувањата на турнирот во мал фудбал „Стојаково 2025“ откако петок беше слободен ден на турнирот. Програмата нуди четири натпревари, стандардно два кај јуниорите и два кај сениорите.
Вечерата како и вообичаено се отвара во 18 часот со мечот во генерација 2010/2011 каде Mild Home Store ќе се соочи со Бригата 12, а пак половина час подоцна МК Гевгелија оди на мегдан со Џоко Чона Гевгелија.
Кај сениорите предизвик ќе има екипата на Дивино од Босилово со тоа што ќе настапи со два меча еден по друг. Во 19 часот популарните „пици“ ќе се соочат со Млаз Инженеринг Транспорт, а пак 45 минути подоцна ќе играат против Алупласт Васил Јосифово.
Спортска Мрежа по првпат е медиумски покровител на овој спортски настан кој важи за еден од најдобро организираните во Македонија.
