Прволигашот Тиверија Брера од Струмица го претстави своето прво зимско засилување – се работи за Никица Трендова. 18-годишната фудбалерка е повратник во редовите на струмичкиот прволигаш бидејќи за Тиверија Брера настапуваше во период од септември 2018 година до февруари 2023 година.
Во тој период Трендова настапуваше за кадетската и младинската екипа на Тиверија Брера, а имаше и деби настап за сениорскиот тим.
Трендова се враќа во добро позната средина и се очекува да биде вистинско освежување во тимот на Славе Велков за пролетната полусезона, а во Тиверија Брера доаѓа од редовите на есенскиот шампион Скопје.
Старо-новото засилување на Тиверија Брера е член на македонската фудбалска репрезентација до 19 години, а претходно беше дел од репрезентациите на Македонија до 17 и 15 години.
„Таа го познава нашиот клуб и стилот на игра што дополнително ќе ја олесни нејзината адаптација во клубот. Никица важи за една од најквалитетните фудбалерки од нејзината генерација и ќе биде вистинско освежување за нашата екипа“, велат од Тиверија Брера.
Во својата кариера Никица Трендова покрај за Тиверија Брера и Скопје настапуваше и за Скопје во период од февруари 2023 година до јануари 2024.
