Со утрешниот меч меѓу Детонит Плачковица и Скопје ќе се затвори официјално есенската полусезона во Втората лига. Ова е последен меч од 15. коло кој беше одложен и закажан да се одигра утре на Градскиот стадион во Радовиш.
Но, на овој меч екипата на Детонит Плачковица ќе биде ослабена – причината е Сашо Дуков. Најдобриот стрелец на радовишани нема да може да настапи за својот тим на последниот меч во 2025 година од причина што има пет жолти картони, а тоа значи дека мечот на својот тим против „пиратите“ од Автокоманда, Дуков ќе го следи од трибини.
Искусниот голгетер досега постигна осум погодоци, а со неиграњето против Скопје значи дека 30-годишникот ќе остане на бројката од осум погодоци постигнати во есенската полусезона за второлигашот од Радовиш.
Составите ќе бидат познат неколку часа пред натпреварот, па со тоа ќе известиме официјално дали ќе има уште некој фудбалер кој нема да биде на располагање поради повреди или други причини.
Натпреварот меѓу Детонит Плачковица и Скопје со кој ќе го имаме конечниот изглед на табелата ќе започне во 13 часот.
