Екипата на Алкалоид, ја потврди фаворитската улога и без проблеми си замина со победа од Прилеп, славејќи со 39-33 во рамките на 16. коло од Супер машката лига, во меч што се одигра во Прилеп.
Домаќините пружија сериозен отпор во првото полувреме и не дозволија гостите веднаш да се одлепат, па на паузата резултатот беше 19-16 во корист на гостите. Во вториот дел, Алкалоид го забрза темпото и ја зголеми предноста на плус девет, осигурувајќи сигурна победа.
По овој натпревар, тимот на Алкалоид се израмни со Охрид на третата позиција со по 26 бодови, додека Прилеп остана на осмото место со 14 бода, во трка за плеј-оф.
Најефикасен кај победниците беше Мартин Серафимов со седум голови, додека Иван Џонов и Никола Костески постигнаа шест, односно пет гола. Кај домаќините, најмногу се истакнаа крилата Димитар Димитриоски со десет и Денис Шабановиќ со девет голови.
