Во рамки на 16. коло од ракометната Супер лига, екипите на ГРК Тиквеш 2014 и ГРК Охрид ќе се сретнат во среда, на 10 декември, во спортската сала „Јасмин“ во Кавадарци со почеток од 19:00 часот.
Се очекува натпреварот да биде возбудлив, со оглед на тоа што и двата тима ќе бркаат важни бодови за продолжението од сезоната.
Централниот бек на Охрид, Младен Крсманчиќ, за Спортска Мрежа, го најави мечот во Кавадарци.
Тој нагласува дека тимот мора да влезе максимално мотивиран и сконцентриран, свесен за квалитетот на домаќините, но уверен е дека подготовката е добра и се надева на позитивен исход.
„Мораме да влеземе со што посериозен пристап во натпреварот против Тиквеш, максимално мотивирани и сконцентрирани. Екипата е доста добра, особено кога играат дома, меѓутоа добро се подготвуваме, така што мислам дека сме спремни за тој меч, и се надеваме на најдобро.“ – изјави Младен Крсманчиќ за Спортска Мрежа.
Со сериозна подготовка и максимална концентрација, Охрид се надева на позитивен исход во ова тешко гостување кај Тиквеш, додека домаќините, пак, ќе се обидат да ја искористат предноста која ја носи домашниот терен.
