Битола повторно се подготвува за ракометен спектакл – второто „вечно“ дерби оваа сезона – Еурофарм Пелистер и Вардар 1961 во ,, Боро Чурлевски”. Домаќините се под притисок да обезбедат победа и да останат во трката за врвот.
Средбата е закажана за среда во салата „Боро Чурлевски“ со почеток во 18:00 часот, а публиката очекува возбудлив дуел меѓу двата најтрофејни тима во македонскиот ракомет.
За правдата на натпреварот ќе се погрижат судиите Ненад Николовски и Исмаил Металари, додека на записничката маса делегатите Марјан Начевски и Марјан Огњановски ќе ги следат сите официјални моменти од средбата.
Средбата меѓу Куманово и Пролет ја добија Димитар Митревски и Благојче Тодоровски од Битола, а делегат ќе биде Игор Огненов од Битола, мечот се игра в среда, а ќе започне во 19 часот.
Прилеп на домашен терен ќе игра против Алкалоид, а за правдата ќе бидат задолжени Виктор Андонов и Александар Вукашиновски од Скопје, делегат ќе биде Зоран Кимовски од Скопје, стартот е закажан во 19:30 часот, в среда.
Тиквеш на домашен терен ќе игра важен меч со Охрид, а правдата ќе ја делат Виктор Начевски од Скопје и Даниело Божиновски од Битола, а Камер Металари од Скопје ќе биде делегат. Средбата се игра во среда, а ќе започне во 19 часот, а се игра во Кавадарци.
Натпреварот меѓу Еурофарм Пелистер 2 и Бутел ќе го судат браќата Дејан и Димитар Георгиевски од Скопје, а делегат ќе биде Лери Мирчевски, меч кој се игра в четврток од 17 часот во Битола.
Радовиш на домашен терен ќе бара прво славје против Струга, а за правдата ќе бидат браќата Михајло и Методија Илиевски од Битола, а делегат ќе биде Васил Чавдаров од Богданци. Мечот се игра в четврток од 19 часот.
