Арсими денес на домашен терен ќе се соочи со Пелистер, натпревар со кој се затвара есенската полусезона во Првата македонска фудбалска лига.
Двете екипи играат важен дуел, трите бодови се императив и за двете страни кои сакаат со победата да ја завршат есенската полусезона.
Фудбалерот на Арсими, Ринор Ајдини, вели дека мора да влезат концентрирани, бидејќи како што нагласува Пелистер знае да биде опасен, дополнува дека нивната цел е јасна, со победа да се заврши есенската полусезона.
“Овој натпревар е исклучително важен за нас. Сме во позитивен момент по победите над Шкендија и пред неколку дена против Силекс во Кратово, но тие победи добијат целосна вредност само ако успееме да славиме на овој натпревар. Мора да влеземе концентрирани и без потценување, затоа што Пелистер знае да биде опасен. Нашата цел е јасна, да ja завршиме полусезоната со победа. Работевме многу и веруваме во нашите сили. Се надеваме дека навивачите ќе бидат со нас, затоа што нивната поддршка ни дава дополнителна енергија”, вели Ајдини.
Натпреварот меѓу Арсими и Пелистер од 16. коло на ПМФЛ се игра на Градскиот стадион во Гостивар, со почеток од 13 часот.
