Тетекс славеше со 2:6 над „фенерџијата“ Големо Коњари во последното есенско коло во Втората лига. Голеадата ја започна Тетекс во 4. минута, а ја затвори во 90. минута. Во првиот дел паднаа три гола. Азис Амини го отвори резултатот за 0:1, а во 19. минута искусниот Зоран Даноски погодиза 1:1, откако претходно Борче Сркески беше исклучен од игра поради два жолти картони.
Во продолжението од мечот Тетекс дојде до предност од 1:3 преку Славчо Мисајловски и вториот гол на Јамини од белата точка. Во судиското надополнување Нермин Каришик погоди за 2:3.
Во второто полувреме Тетекс стигна до нови три погодоци преку Алтин Нурединовски, Рихан Зеќири и Агон Елмази кој ги постави конечни 2:6.
Големо Коњари го очекува најтешката задача за опстанок во пролетниот дел, речиси реалните шанси се сведени на нула, па последна сламка за спас би бил баражот, иако бодовната разлика е навистина сериозна, а прилепскиот второлигаш ќе презими на дното со три бодови.
Тетекс пролетниот дел ќе го започне со 17 бодови на своето конто, а ќе презими во бараж зоната.
