Во рамки на денешното вонредно 10. коло од Втората лига во Гевгелија се соочија Кожуф и Арсими, реприза на мечот од првото коло од Купот на Македонија, но сега дербито имаше друг сјај, трити бодови беа императив каде
На полувреме резултатот беше 1:1 откако Арсими преку Шефити дојде до 0:1, а Најдовски со еврогол израмни на 1:1 на полувреме.
Во второто полувреме Ангел Кочев не реализираше пенал, Ислами го прочита неговиот удар од белата точка, а шанси имаа и двете екипи, кои не реализираа, па 1:1 беше конечниот исход во Гевгелија.
Дербито на колото се играше во Радовиш каде Детонит Плачковица се соочи со ланскиот прволигаш Македонија ЃП во дерби каде немаше погодоци и немаше победник (0:0).
Осогово го пречека одличниот Охрид каде одново запиша пораз од 0:2 со што охриѓани дојдоа до шест од шест. За охриѓани погодија Дишлиевски и Парталко во вториот дел.
Саса и Победа се соочија во дуел каде трите бодови беа важни и за двете екипи но Саса беше пресилна со 4:0.
Саса преку Симевски дојде до рано водство од 2:0, а Талески погоди за 2:1 на полувреме. Во вториот дел Ќосески и Ајрули ги поставија конечните 4:1.
Во Автокоманда се соочија некогашните прволигаши Скопје и Беласица каде струмичани славеа со 0:2 со головите на Капсаров и Стојанов.
Брегалница на домашен терен се соочи со Борец во меч каде сините беа големи фаворити и ја оправдаа таа улога со 4:0.
Уште во првиот дел Брегалница ја најави победата над Борец кој оди во нова длабока резултатска криза впишувајќи нов голем пораз од 4:0.
На полувреме фаворитот имаше 3:0 откако Кристијан Јордановски си постигна автогол, а потоа погодија Димитриевски и Абази. Во вториот дел Абази со втор гол ги постави конечните 4:0 за победа на Брегалница.
Вардар Неготино излез од резултатската криза бараше против Новаци каде домашниот тим конечно победи со 3:1.
На полувреме во Неготино беше 2:1, кога Најдов погоди за 1:0, а Стојчев израмни. Потоа преку повратникот Неделков домаќинот имаше 2:1 на полувреме.
Во вториот дел Младеновиќ ги постави конечните 3:1.
Вардарски на домашен терен прва победа бараше против фаворитот Башкими но беше поразен со 0:3 откако стрелаа Саити и Хамза за фаворитот.
