Во рамки на вонредното 10. коло од Втората лига во Гевгелија се одигра дерби меѓу Кожуф и Арсими, всушност ова беше реприза од Куп натпреварот од првото коло, но овој пат дербито беше со поинаков карактер, многу повеќе се посакуваа трите бодови, се бараше победата.
Шансите неискористени и на двете страни, Кожуф доби и пенал, но Кочев не го реализираше откако Ислами го прочита неговиот удар, на крајот Арсими и со играч помалку беше одличен, а Кожуф тоа не го искористи.
По натпреварот изјава за Спортска Мрежа даде Јорго Папули, кој накратко го анализираше мечот на неговиот тим, свесен за пропуштените шанси особено пеналот.
Веќе в сабота Кожуф во рамки на 11. коло ќе гостува во Струмица каде ќе се соочи против Беласица, која со млада екипа зеде силен залет.
